قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №118

2015 جىلعى 20 اقپان, استانا قالاسى جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ قاعيدالارىن بەكىتۋ تۋرالى جاڭارتىلاتىن ەنەرگيا كوزدەرiن پايدالانۋدى قولداۋ تۋرالى» 2009 جىلعى 4 شiلدەدەگi قازاقستان رەسپۋبليكاسى زاڭىنىڭ 6-بابىنىڭ 10-1) تارماقشاسىنا سايكەس بۇيىرامىن: 1. قوسا بەرىلىپ وتىرعان جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ جاڭارتىلاتىن ەنەرگيا كوزدەرى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە وسى بۇيرىقتى مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولدانۋىن; 3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ەنەرگەتيكا ءمينيسترى ۆ.شكولنيك. «كەلىسىلگەن» قازاقستان رەسپۋبليكاسى ۇلتتىق ەكونوميكا مينيسترi ە. دوساەۆ ______________ 2015 جىلعى 18 اقپان قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى №118 بۇيرىعىمەن بەكىتىلگەن جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ قاعيدالارى 1. جالپى ەرەجەلەر 1. وسى جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ قاعيدالارى (بۇدان ءارى – قاعيدالار) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قازاقستان رەسپۋبليكاسىنىڭ 2009 جىلعى 4 شىلدەدەگى زاڭىنىڭ (بۇدان ءارى – زاڭ) 6-بابىنىڭ 10-1) تارماقشاسىنا سايكەس ازىرلەندى جانە جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) گاز – شيكى, تاۋارلىق, سۇيىتىلعان مۇناي جانە سۇيىتىلعان تابيعي گاز; 2) جاڭارتىلاتىن ەنەرگيا كوزدەرىنەن الىناتىن ەلەكتر ەنەرگياسىن شارتتى تۇتىنۋشىلار (بۇدان ءارى – شارتتى تۇتىنۋشىلار) – كومىردى, گازدى, مۇناي ونىمدەرى مەن يادرولىق وتىندى پايدالاناتىن ەنەرگيا ءوندىرۋشى ۇيىمدار; قازاقستان رەسپۋبليكاسىنىڭ شەگىنەن تىس جەردەن ەلەكتر ەنەرگياسىن ساتىپ الاتىن ەلەكتر ەنەرگياسى نارىعىنىڭ سۋبەكتىلەرى; جيىنتىق قۋاتى وتىز بەس مەگاۆاتتان اساتىن, ءبىر گيدروتوراپتا ورنالاسقان قوندىرعىلارى بار گيدروەلەكتر ستانتسيالارى; 3) جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ-قارجى ورتالىعى (بۇدان ءارى – ەسەپ ايىرىسۋ-قارجى ورتالىعى) – جۇيەلىك وپەراتور قۇراتىن جانە ۋاكىلەتتى ورگان ايقىندايتىن, جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن جانە قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكاسى جۇيەسىنىڭ ەلەكتر جەلىلەرىنە بەرىلگەن ەلەكتر ەنەرگياسىن زاڭدا كوزدەلگەن تارتىپپەن ورتالىقتاندىرىلعان ساتىپ الۋدى جانە ساتۋدى جۇزەگە اسىراتىن زاڭدى تۇلعا; 4) جاڭارتىلاتىن ەنەرگيا كوزدەرىن قولداۋعا ارنالعان تاريف – وسى قاعيدالارعا سايكەس ەسەپ ايىرىسۋ-قارجى ورتالىعى وزدىگىنەن بەلگىلەيتىن جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىن ەسەپ ايىرىسۋ-قارجى ورتالىعىنىڭ ساتۋىنا ارنالعان تاريف; 5) جاڭارتىلاتىن ەنەرگيا كوزدەرىن پايدالانۋدى قولداۋعا جۇمسالاتىن شىعىندار – ەسەپ ايىرىسۋ-قارجى ورتالىعىنىڭ جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىن ساتىپ الۋعا جۇمسالاتىن شىعىندارى, ەلەكتر ەنەرگياسىن ءوندىرۋ-تۇتىنۋدى تەڭگەرىمدەۋدى ۇيىمداستىرۋ بويىنشا كورسەتىلەتىن قىزمەتتەرگە جۇمسالاتىن شىعىندارى جانە قازاقستان رەسپۋبليكاسىنىڭ تابيعي مونوپوليالار جانە رەتتەلەتىن نارىقتار تۋرالى زاڭناماسىندا بەلگىلەنگەن باعا بەلگىلەۋ تارتىبىنە سايكەس ايقىندالاتىن, ونىڭ قىزمەتىن جۇزەگە اسىرۋعا بايلانىستى شىعىندار; 6) جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىم – جاڭارتىلاتىن ەنەرگيا كوزدەرىن پايدالانا وتىرىپ, ەلەكتر جانە (نەمەسە) جىلۋ ەنەرگياسىن ءوندىرۋدى جۇزەگە اسىراتىن زاڭدى تۇلعا; 7) وپەراتسيالىق شىعىندار – ەسەپ ايىرىسۋ-قارجى ورتالىعىنىڭ قىزمەتىن جۇزەگە اسىرۋعا بايلانىستى شىعىندار; 8) تەحنيكالىق ەكونوميكالىق نەگىزدەمەدەگى تاريف (بۇدان ءارى – تەن-دەگى تاريف) – ۋاكىلەتتى نەمەسە جەرگىلىكتى اتقارۋشى ورگانمەن كەلىسىلگەن جانە بەكىتىلگەن جاڭارتىلاتىن ەنەرگيا كوزدەرىن پايدالانۋ وبەكتىcىن سالۋ جوباسىنىڭ تەحنيكالىق-ەكونوميكالىق نەگىزدەمەسىندە بەلگىلەنگەن بوساتۋ باعاسى دەڭگەيىنەن اسپايتىن تاريف; 9) تىركەلگەن تاريف – جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرەتىن ەلەكتر ەنەرگياسىن زاڭدا بەلگىلەنگەن تارتىپپەن ەسەپ ايىرىسۋ-قارجى ورتالىعىنىڭ ساتىپ الۋىنا ارنالعان تاريف; 10) ۋاكىلەتتى ورگان – جاڭارتىلاتىن ەنەرگيا كوزدەرىن پايدالانۋدى قولداۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 11) ەلەكتر ەنەرگياسىن تۇتىنۋ ايماعى – جاڭارتىلاتىن ەنەرگيا كوزدەرىن پايدالانۋ وبەكتىسى وندىرگەن ەلەكتر ەنەرگياسىن تۇتىنۋعا كەدەرگى كەلتىرەتىن تەحنيكالىق سيپاتتاعى شەكتەۋلەر جوق قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىنىڭ ءبىر بولىگى. 2. جاڭارتىلاتىن ەنەرگيا كوزدەرىن قولداۋعا ارنالعان ءتاريفتى ايقىنداۋ ءتارتىبى 3. شارتتى تۇتىنۋشىلار جىل سايىن جيىرماسىنشى جەلتوقسانعا قاراي ەسەپ ايىرىسۋ-قارجى ورتالىعىنا الداعى جىلعا ەلەكتر ەنەرگياسىن شىعارۋدىڭ, جەلىلەرگە جىبەرۋدىڭ, ەنەرگيا بەرۋشى ۇيىمدارعا بەرۋدىڭ بولجامدى كولەمدەرى تۋرالى اقپارات جولدايدى. 4. جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار جىل سايىن جيىرماسىنشى جەلتوقسانعا قاراي ەسەپ ايىرىسۋ-قارجى ورتالىعىنا ايلارعا بولە وتىرىپ, ەلەكتر ەنەرگياسىن شىعارۋدىڭ, جەلىلەرگە جىبەرۋدىڭ الداعى جىلعا ارنالعان بولجامدى كولەمدەرى تۋرالى اقپارات جولدايدى. 5. جۇيەلىك وپەراتور جىل سايىن جيىرماسىنشى جەلتوقسانعا قاراي ەسەپ ايىرىسۋ-قارجى ورتالىعىنا ايلارعا بولە وتىرىپ شارتتى تۇىنۋشىلاردىڭ قازاقستان رەسپۋبليكاسىنىڭ شەگىنەن تىس جەرلەرىنەن ەلەكتر ەنەرگياسىن ساتىپ الۋدىڭ بولجامدىق كولەمدەرى تۋرالى اقپارات جولدايدى. 6. ۋاكىلەتتى ورگان جىل سايىن جيىرماسىنشى جەلتوقسانعا قاراي ەسەپ ايىرىسۋ-قارجى ورتالىعىنا جاڭارتىلاتىن ەنەرگيا كوزدەرىن پايدالاناتىن, الداعى جىلى بولجامدىق ىسكە قوسۋ مەرزىمى كورسەتىلىپ, پايدالانۋعا بەرۋ جوسپارلانىپ وتىرعان وبەكتىلەر مەن الداعى جىلى اتالعان وبەكتىلەردىڭ ەلەكتر ەنەرگياسىن وندىرۋدەگى بولجامدىق كولەمى تۋرالى اقپارات جولدايدى. 7. ەسەپ ايىرىسۋ-قارجى ورتالىعى جىل سايىن اعىمداعى جىلدىڭ وتىزىنشى جەلتوقسانىنا دەيىن الىنعان بولجامدى دەرەكتەر نەگىزىندە: 1) ەلەكتر ەنەرگياسىن تۇتىنۋ ايماقتارى بويىنشا جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمداردىڭ ەلەكتر ەنەرگياسىن بولجامدى جيىنتىق ءوندىرۋىنىڭ الداعى ەسەپتى جىلعا ارنالعان ەسەبىن; 2) ەلەكتر ەنەرگياسىن تۇتىنۋ ايماقتارى بويىنشا جاڭارتىلاتىن ەنەرگيا كوزدەرىن پايدالانۋدى قولداۋعا جۇمسالاتىن شىعىندارداعى ءاربىر شارتتى تۇتىنۋشىنىڭ بولجامدى ۇلەسىنىڭ الداعى ەسەپتى جىلعا ارنالعان ەسەبىن; 3) جاڭارتىلاتىن ەنەرگيا كوزدەرىن پايدالانۋدى قولداۋعا جۇمسالاتىن, الداعى جىلعا بولجاناتىن شىعىنداردى جاڭارتىلاتىن ەنەرگيا كوزدەرىنىڭ بارلىق تۇرلەرىنەن وندىرىلگەن جانە قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىنە بەرىلگەن ەلەكتر ەنەرگياسىنىڭ ءبىر كيلوۆاتت-ساعاتىنا ەسەبىن; 4) ەلەكتر ەنەرگياسىن تۇتىنۋ ايماقتارى اراسىندا ەسەپ ايىرىسۋ-قارجى ورتالىعىنىڭ شىعىندارىن ودان ءارى پروپورتسيونالدى ءبولۋ ماقساتىندا ءتيىستى ەلەكتر ەنەرگياسىن تۇتىنۋ ايماقتارى اراسىندا الداعى جىلعا شارتتى تۇتىنۋشىلاردىڭ جەلىسىنە بوساتۋعا جوسپارلانعان ەلەكتر ەنەرگياسىن بولجامدى كولەمدەرىنىڭ ارا قاتىناسى ەسەبىن جۇزەگە اسىرادى. 8. ەسەپ ايىرىسۋ-قارجى ورتالىعى بولجامدالعان جىلدىڭ ون بەسىنشى قاڭتارىنان كەشىكتىرمەي ەسەپتى جىلعا ارنالعان ەلەكتر ەنەرگياسىن تۇتىنۋ ايماقتارى بويىنشا جاڭارتىلاتىن ەنەرگيا كوزدەرىن قولداۋعا ارنالعان ءتاريفتى شارتتى تۇتىنۋشىلاردىڭ نازارىنا ءوزىنىڭ ينتەرنەت-رەسۋرسىندا جاريالاۋ جولىمەن جەتكىزەدى. 9. تۇتىنۋ ايماعىنا بايلانىستى بولجامدالعان جىلعا ارنالعان جاڭارتىلاتىن ەنەرگيا كوزدەرىن قولداۋ ءتاريفى قاعيدالاردىڭ 7-تارماعىندا كوزدەلگەن ەسەپتەرگە سايكەس مىناداي فورمۋلا بويىنشا ايقىندالادى: تZi= (وزەقو ء+زبال+زتىر)/Vسپ مۇندا: TZi – Zi تۇتىنۋ ايماعى ءۇشىن ەسەپتەلگەن جاڭارتىلاتىن ەنەرگيا كوزدەرىن قولداۋ ءتاريفى; وزەقو – Zi تۇتىنۋ ايماعىنا جاتاتىن, وسى قاعيدالاردىڭ 15-تارماعىنا سايكەس ەسەپتەلگەن ەسەپ ايىرىسۋ-قارجى ورتالىعىنىڭ جىلدىق وپەراتسيالىق شىعىندارىنىڭ ۇلەسى; زبال – Zi تۇتىنۋ ايماعىنا جاتاتىن, ەلەكتر ەنەرگياسىن ءوندىرۋ-تۇتىنۋ تەڭگەرىمىن ۇيىمداستىرۋ جونىندەگى قىزمەتتەرگە جۇمسالاتىن شىعىندار; Zi – تۇتىنۋ ايماعى; ءزتىر – ەسەپ ايىرىسۋ-قارجى ورتالىعىنىڭ Zi تۇتىنۋ ايماعىندا جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرەتىن ەلەكتر ەنەرگياسىن ساتىپ الۋعا جۇمسالاتىن جىلدىق شىعىندارى, ول بىلايشا قۇرىلادى: ۋاكىلەتتى نەمەسە جەرگىلىكتى اتقارۋشى ورگانمەن كەلىسىلگەن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋ جوباسىنىڭ تەحنيكالىق-ەكونوميكالىق نەگىزدەمەسىندە بەلگىلەنگەن دەڭگەيدەن اسپايتىن بەكىتىلگەن بوساتۋ ءتاريفى جوق جاڭادان ىسكە قوسىلاتىن جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمنىڭ تىركەلگەن ءتاريفى بويىنشا نەمەسە (نە); ۋاكىلەتتى نەمەسە جەرگىلىكتى اتقارۋشى ورگانمەن كەلىسىلگەن جانە بەكىتىلگەن جاڭارتىلاتىن ەنەرگيا كوزدەرىن پايدالانۋ وبەكتىسىن سالۋ جوباسىنىڭ تەحنيكالىق-ەكونوميكالىق نەگىزدەمەسىندە بەلگىلەنگەن دەڭگەيدەن اسپايتىن بوساتۋ ءتاريفى بار جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمنىڭ تەن-دەگى ءتاريفى بويىنشا; ءزتىر = ء(زتىر.گيدرو*Vپ+1+…+زتىر.گيدرو*Vپ+N+زتىر.جەل*Vپ+1+…+زتىر.جەل*Vپ+N+ ءزتىر.كۇن*Vپ+1+…+زتىر.كۇن*Vپ+N+زتىر.ءبيو*Vپ+1+…+زتىر.بيو*Vپ+N)+(ز.تەن.گيدرو1*Vپ+1+…+ ز.تەن.گيدروN*Vپ+N+زتەو.جەل1*Vپ+1+…+زتەن.جەلN*Vپ+N+زتەو.كۇن1*Vپ+1+…+زتەن.كۇنN*Vپ+N+ زتەو.بيوگاز1*Vپ+1+…+ زتەن.بيوگازN*Vپ+N), مۇنداعى ءزتىر گيدرو – شاعىن گەس ءۇشىن تىركەلگەن تاريف; ءزتىر.جەل – جەل ەلەكتر ستانتسيالارى ءۇشىن تىركەلگەن تاريف; ءزتىر.كۇن– كۇن ەلەكتر ستانتسيالارى ءۇشىن تىركەلگەن تاريف; ءزتىر.بيو – بيوگازدى ەلەكتر ستانتسيالارى ءۇشىن تىركەلگەن تاريف; زتەن.گيدرو1 – 1-ءشى شاعىن گەس ءۇشىن تەن-دەگى تاريف; زتەن.گيدروN – N-ءشى شاعىن گەس ءۇشىن تەن-دەگى تاريف; زتەن.جەل1 – 1-ءشى جەل ەلەكتر ستانتسياسى ءۇشىن تەن-دەگى تاريف; زتەن.جەلN – N-ءشى جەل ەلەكتر ستانتسياسى ءۇشىن تەن-دەگى تاريف; زتەن.كۇن1 – 1-ءشى كۇن ەلەكتر ستانتسياسى ءۇشىن تەن-دەگى تاريف; زتەن.كۇنN – N-ءشى كۇن ەلەكتر ستانتسياسى ءۇشىن تەن-دەگى تاريف; زتەن.بيو1 – 1-ءشى بيوگازدى ەلەكتر ستانتسياسى ءۇشىن تەن-دەگى تاريف; زتەن.بيوN – N-ءشى بيوگازدى ەلەكتر ستانتسياسى ءۇشىن تەن-دەگى تاريف; Vپ+1 – جاڭارتىلاتىن ەنەرگيا كوزدەرىن پايدالاناتىن 1-ءشى وبەكتى وندىرگەن جانە بوساتقان ەلەكتر ەنەرگياسىنىڭ كولەمى; Vپ+N – جاڭارتىلاتىن ەنەرگيا كوزدەرىن پايدالاناتىن N-ءشى وبەكتى وندىرگەن جانە بوساتقان ەلەكتر ەنەرگياسىنىڭ كولەمى; Vپ – جاڭارتىلاتىن ەنەرگيا كوزدەرىن پايدالاناتىن ءاربىر وبەكتى وندىرگەن جانە بوساتقان ەلەكتر ەنەرگياسىنىڭ كولەمى; Vسپ – Zi تۇتىنۋ ايماعىنداعى شارتتى تۇتىنۋشىلارعا ساتىلاتىن جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن ەلەكتر ەنەرگياسىنىڭ جىلدىق جيىنتىق كولەمى. 10. جاڭارتىلاتىن ەنەرگيا كوزدەرىن قولداۋعا ارنالعان تاريف ەسەپ ايىرىسۋ دەرەكتەرىنىڭ وزگەرۋىنە قاراي اي سايىن تۇزەتىلۋى ءتيىس. 11. شارتتى تۇتىنۋشىلار اي سايىن ەسەپ ايىرىسۋ-قارجى ورتالىعىنا ەلەكتر ەنەرگياسى بەرىلگەن ايعا دەيىن كۇنتىزبەلىك ون كۇن بۇرىن ونى شىعارۋدىڭ, جەلىلەرگە جىبەرۋدىڭ, ەنەرگيا بەرۋشى ۇيىمدارعا بەرۋدىڭ بولجامدى كولەمدەرى نەمەسە قازاقستان رەسپۋبليكاسىنىڭ شەگىنەن تىس جەرلەردەن قابىلداۋ تۋرالى اقپارات بەرەدى. 12. جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىمدار اي سايىن ەسەپ ايىرىسۋ-قارجى ورتالىعىنا ەلەكتر ەنەرگياسى بەرىلگەن ايعا دەيىن كۇنتىزبەلىك ون كۇن بۇرىن ونى شىعارۋدىڭ, جەلىلەرگە جىبەرۋدىڭ بولجامدى كولەمدەرى تۋرالى اقپارات بەرەدى. 13. ەسەپ ايىرىسۋ-قارجى ورتالىعى الىنعان اقپارات نەگىزىندە اي سايىن ەسەپتى ايدىڭ ونىنا دەيىن اعىمداعى كۇنتىزبەلىك جىلدىڭ سوڭىنا دەيىنگى كەزەڭدە قالعان جاڭارتىلاتىن ەنەرگيا كوزدەرىن قولداۋعا ارنالعان تاريفكە تۇزەتۋ ەنگىزەدى جانە تۇزەتۋ ەنگىزىلگەن تاريف بەكىتىلگەن ساتتەن باستاپ بەس كۇنتىزبەلىك كۇن ىشىندە تۇزەتۋ ەنگىزىلگەن ءتاريفتى ءوزىنىڭ ينتەرنەت-رەسۋرسىندا جاريالايدى. 14. جاڭارتىلاتىن ەنەرگيا كوزدەرىن قولداۋعا ارنالعان ءتاريفتى قۇرۋ كەزىندە وزىندىك قۇنىندا مىناداي شىعىندار ەسەپكە الىنادى: 1) ەسەپ ايىرىسۋ-قارجى ورتالىعىنىڭ جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرەتىن ەلەكتر ەنەرگياسىن ساتىپ الۋ شىعىندارى; 2) ەلەكتر ەنەرگياسىن ءوندىرۋ-تۇتىنۋ تەڭگەرىمىن ۇيىمداستىرۋ جونىندەگى قىزمەتتەرگە جۇمسالعان شىعىندار; 3) ەسەپ ايىرىسۋ-قارجى ورتالىعىنىڭ وپەراتسيالىق شىعىندارى. 15. ەسەپ ايىرىسۋ-قارجى ورتالىعىنىڭ وپەراتسيالىق شىعىندارى «تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسىنىڭ 1998 جىلعى 9 شiلدەدەگى № 272 زاڭىنىڭ 7-2-بابىنىڭ 1-تارماعىنا سايكەس ايقىندالىپ جىل سايىن ەسەپتەلەدى جانە ەسەپ ايىرىسۋ-قارجى ورتالىعى اعىمداعى جىلدىڭ جيىرماسىنشى جەلتوقسانىنا دەيىنگى مەرزىمدە الداعى جىلعا بەكىتەدى. 16. ەسەپ ايىرىسۋ-قارجى ورتالىعىنىڭ ەلەكتر ەنەرگياسىن ءوندىرۋ-تۇتىنۋ تەڭگەرىمدەۋىن ۇيىمداستىرۋ جونىندەگى كورسەتىلەتىن قىزمەتتەرگە جۇمسالاتىن شىعىندارى ەسەپ ايىرىسۋ-قارجى ورتالىعىنىڭ جىل سايىنعى جاڭارتىلاتىن ەنەرگيا كوزدەرىن پايدالاناتىن وبەكتىلەر وندىرگەن ەلەكتر ەنەرگياسىن ساتىپ الۋ جانە ونى شارتتى تۇتىنۋشىلارعا ساتۋ كولەمى نەگىزىندە جۇيەلىك وپەراتوردىڭ ءتاريفى بويىنشا ەسەپتەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10622 بولىپ ەنگىزىلدى.